شاندی باڵای ڕێکخراوی پەروەردەیی و ڕۆشنبیری و زانستی کۆمکاری عەرەبی (ALECSO) و یەکێتی مامۆستایانی کوردستان (KTU)، ڕۆژی 11ی ئەیلولی 2023 سەردانی قوتابخانەکانی ئیشق و نیلوفەری سەر بە گروپی قوتابخانەکانی ستیرلینگیان کرد لە هەولێر. د.ئومێد ئاروزەری، بەڕێوەبەری جێبەجێکار و سەرۆکی گروپی قوتابخانەکانی ستیرلینگ و شاندێکی قوتابخانەکانی هەولێر بەخێرهاتنی میوانەکانیان کرد و قوتابییەکانمان بە نمایشکردنی کۆمەڵە چالاکییەک بەشداریان لە مەراسیمی پێشوازیدا کرد. شاندەکەی ALECSO بە سەرۆکایەتی بەڕێز جەمال ئەدیب ئەلحسامی سەرۆکی ڕێکخراوەکە و نوێنەرانی دەستەی کارگێڕی لە وڵاتانی تونس و لوبنان و بەحرەین و فەلەستین و جەزائیرەوە ئامادەبوون. شاندەکەی یەکێتی مامۆستایانی کوردستان بە سەرۆکایەتی بەڕێز ئەحمەد گەرمیانی، سەرۆکی یەکێتییەکە و جێگری سەرۆک و ئەندامانی سکرتاریەت ئامادەبوون. ڕێکخراوی پەروەردەیی و ڕۆشنبیری و زانستی کۆمکاری عەرەبی (ALECSO) دامەزراوەیەکی تایبەتمەندە کە بنکەکەی لە تونسە و لە ژێر چەتری کۆمکاری دەوڵەتانی عەرەبیدا کاردەکات. لە بنەڕەتدا پەیوەندی بە پەرەپێدان و هەماهەنگی چالاکییەکانی پەیوەست بە پەروەردە و کولتوور و زانستەکانەوە هەیە لە جیهانی عەرەبیدا. بەپێی مادەی سێیەمی میساقی یەکێتی کولتووری عەرەبی دامەزراوە، و لە 25ـی تەمموزی 1970 لە قاهیرە بە فەرمی ڕاگەیەندراوە. شاندەکان لە نزیکەوە ئاشنا بوون بە کوالیتی بەرز و خوێندنی مۆدێرنی قوتابخانەکانی ستیرلینگ لە عێراق و هەرێمی کوردستان. هەر لە کۆبوونەوەکەدا گفتوگۆ لەبارەی هەماهەنگی و پڕۆژە و پێشهاتەکانی داهاتووی پڕۆسەی پەروەردە لە هەرێمی کوردستان و عێراق و ناوچەکە کرا. شانازی دەکەین کە میوانداری شاندەکانی ALECSO و KTUــمان کرد تاکو دیدگامان بۆ پەروەردە لە ناوچەکەدا هاوبەش پێبکەین و بەوپەڕی خۆشحاڵییەوە چاوەڕێی هەماهەنگی دەکەین لە بەرەوپێشبردنی کەرتی پەروەردە.